"Ndohotola, otandi dhiladhila "kutya ombinzi yandje oya londa": Ombinzi ya londa - ekonakono lyopankalamwenyo.
Author: Wietersheim, Simone von
Pub Date: 07/01/2011
Publication: Name: Sister Namibia Publisher: Sister Namibia Audience: Academic; General Format: Magazine/Journal Subject: Social sciences; Women's issues/gender studies Copyright: COPYRIGHT 2011 Sister Namibia ISSN: 1026-9126
Issue: Date: July, 2011 Source Volume: 23 Source Issue: 2
Accession Number: 264175225
Full Text: Meme K, Omupopi gwOshiherero omunene gwoomvula omilongo ne, yi na yaanona vane, okwe ya mondunda yandje yokupanga e to fatulula to ti:

[ILLUSTRATION OMITTED]

"Ndohotola, ngame otandi dhiladhila kutya ombinzi yandje oya londa. Omadhiladhilo gandje ohaga thindakana mbala. Ngame handl ehama wo omutse omathimbo ogendji. ohandl kwatwa koshitelele, uuna tandi endelele. Oomvula oonshona dha piti po, onda lombwelelwe kundohotola pokakilinika kutya, ondi na ombinzi ya londa, e ta nyolele ndje omiti dhimwe, ihe oopela ndhoka ohadhi kololitha ndje, onkene onda hulitha po okudhi nwa."

Meme K. Shampa to mu tala tango ota monika e na uundjolowele, ihe okwa ondoka noonkondo, oku na oshiviha shookilograma 97 nomuthika gwoometa 1,74. Tango onda konakona ombinzi ye. Oya 11 190/120. Onda konakona wo omeho ge nomutima gwe, osho wo omapunga ge, ihe inandi mono nando uupyakadhi wu ukilila.

Meme K. onde mu fatulile kutya, osha yela oku na ombinzi ya londa--nokutya wo okukala kwe ta pwataguka omutse noshitelele otashi vulika shi etithwe komukithi nguka. Shoka sha simana noonkondo osho shoka kutya elondo lyombinzi ye otashi vulika lya etithwa wo kuuwehame wulwe kolutu lwe nando itawu shi ulike natango. Onkene Meme K.

Okwa pumbwa natango omakonakono ogendji opo to yule okumona kutya omutima gwe, iitiyanathigo ye, nenge omithipa dhe dhombinzi inadhi mona oshiponga. Kakele kaashoka oku na okutameka okunwa omiti mbala ngaashi tashi vulika opo ku keelelwe uuwehame waa ye kokule.

Shoka sha hokololwa pombanda onkalo hayi holoka olwindji moondunda moka hamu pangeleoondohotola nenge puukilinika wawo. Elondo lyombinzi miilongo yokuuninginino olya kala lya talika ka ko oomvula odhindji kutya omukithi gwopashigwana, ihe nomoNamibia otagu ende tagu ningi ogundji omolwo omalunduluko gontumba gopankalamwenyo.

"EtialCaiakakiU ijr it iJiif Y uLaShi ti spike?

Ethindakano lyombinzi otaku fatululwa kutya oonkondo ndhoka tadhi thindi ombinzi momithipa dhombinzi, mangy tayi ende okuza komutima gwetu okuya molutu aluhe. Oonkondo dhika otadhi uthwa kuuwindji wombinzi mboka tawu pombwa komutima wa uka momithipa dhetu dhombinzi padhengo lyomutima kehe. Ohalu uthwa wo kuunene nokokutamunuka kwomithipa dhetu dhombinzi.

Kuuwindji wombinzi tayi piti momithipa dha thinana oko wo kethindakano lyombinzi lya londa momithipa.

Okupupwa ombinzi olwindji ohaku ulikwa noonomola mbali, ngaashi 190/120 ndhoka dha pupwa Meme K. Otashi ti ombinzi meni oya londa momithipa nuupokati womiyalu mbali: 190 otashi ti oya londa noonkondo, sho omutima tagu pombo omanga 120 otashi ti oya shuna pevi noonkondo, sho omutima tagu fudha po. Ombinzi ngele oya pupwa yi li po 120/80 otashi ti oyi li nawa, omanga ngele otayi ulike omupambulwayalu 140/90 nenge okuya pombanda oya talika ko ya londa.

Omandhindhiliko gombinzi ya londa oga tya ngiini?

Aantu oyendji mboka ye na ombinzi ya londa, kaye na omandhindhiliko gasha. Shika osha ningitha omukithi gu kale omudhigu nomathimbo gamwe otagu ithanwa "omumwenikithi omudhipangi". Olwindji ombinzi ya londa ohayi monika ashike uuna ethindakano lyombinzi momithipa lya ya pombanda nolya etitha nale omukithi gwomutima omudhigu, iiti yanathigo itayi tango nenge eso lyombanda. Omandhindhiliko gamwe ngoka haga holoka kuyele maantu yamwe, oga kwatela mo oshipwatagulakupwatuka omutse okwiinayi, okugwa oshitelele, omvulwe, omukota, omalunduluko mokutala iinima nenge okufudha nuudhigu.

Elondo lyombinzi ohali etithwa kushike?

Omathimbo ogendji osheetithi ihashi kala sha yela. Aantu yamwe oye na ombinzi londa yamwe oye na yi li pevi. Nando ongawo opu na iinima yimwe ya nika oshiponga.:

* Ohayi kwata unene aantu mboka ya koka naantu mboka ya ondoka noonkondo.

* Otayi adhika unene maaluudhe shi vulithe aatiligane.

* Oyi na uukwatya wokukala mofamili.

* Okukala ito inyenge, waa uvite ombili, okuhila omakaya nokunwa nayi iikolitha, osho wo okulya iikulya yi na omongwa ogundji otaku etitha elondo lyombinzi.

Elondo lyombinzi Oli na OkaidLitiyanduilt gashike?

Uuna ombinzi tayi thindakana noonkondo momithipa dhetu dhombinzi molutu osho tashi ithanwa ombinzi ya londa. Ohashi etitha omithipa dhombinzi dhi pame e tadhi kukuta, shoka osho tashi etitha okweenda kwombinzi. Uupyakadhi itawu hulu wa tameke nduno.

Omithipa dhombinzi ngele dha pama e tadhi kukuta oshinima sha simana komithipa dhombinzi ndhoka omishona tatu dhi adha muuluyi, momutima, miiti ya nathingo nomomeho. Omolwetompelo ndika, otatu mono omaupyakadhi gombinzi ya londa miitopolwa mbika yolutu, taga holoka pamukalo gwedhengo lyomutima, lyiiti yanathingo itayi longo, omaso gombanda nenge okukala ku wete ko. Kakele kaashoka ontumba yomutima otayi zindi e tayi ningi onene ethimbo sho tali yi molwashoka ogu na okupomba ombinzi noonkondo odhindji tayi pitile momithipa dhombinzi oonshona dha pama shoka tashi etitha omutima gu dhenge itagu longo we.

[ILLUSTRATION OMITTED]

Okuninga wu na okuninga uuna wa monika elondo lyombinzi?

Uuna wa monika kokakilinika nenge sho wa yi kundohotola kutya owu na ombinzi ya londa oshikando shotango, itashi ti mbalambala oto ehama vale elondo lyombinzi.

Olwindji okulesha lumwe aluke kutya ou na ombinzi ya londa otashi vulu shi ende pamwe niinima oyindji - pamwe opo ashike wa li to nu okakopi kokofi yi na oonkondo, pamwe owa li to matuka nenge to ende to endelele manga ino ya wu konakonwe nenge pamwe owa li wa lulilwa komadhiladhilo. Kakele ngele ombinzi otayi ulike ya londa sha pitilila, oto ka Iombwelwa wu galuke esiku limwe opo ombinzi yi ye yi talwe natango tayi endululwa. Okuza mpoka opo ashike ndohotola ta tokola ngele owu na lela ombinzi hayi londo olundji.

Ngele ou na ombinzi ya londa kashona oto pewa ethaneko opo tango mu shunithe pevi elondo lyombinzi to fundulufa omikalo dhoye dhopankalamwenyo. linima mbyoka to vulu okuninga opo wu shunithe elondo lyoye lyombinzi pevi oyo:

* omadhewo ogendji--nando okweenda ashike to endelele oominute 20 esiku kehe

* iikulya yi na uundjolowele--omongwa omushona, iiyimati oyindji, iihape noofibres odhindji, iikulya yomagadhi iishona

* okukaleka po oshiviha shuundjolowele sha yeleka

* okushunitha pevi ositresa nenge okuninga iinima mbyoka tayi ku pe ombili.

* okwaahila omakaya nokungambeka okunwa oalkoholi

Ngele okulundulula omikalo dhopankalamwenyo dhoye akuke itaku vulu okushunitha pevi elondo lyoye lyombinzi li kale nawa, nena ku na we ompito ihe owu na okunwa oopela dhelondo lyombinzi. Nando owa tameke okunwa omiti dhelondo lyombinzi iinima mbyoka ya tumbulwa pombanda otayi ku kwatha wu ngambeke omwaafu gwoopela ndhoka wa pumbwa, okunwa opo wu kale wu uvite nawa.

Opu na oopela odhindji dhelondo lyombinzi tadhi longo pamikalo dha yooloka dho odhi na iilanduli iiwinayi ya yooloka. Ano ngele epango limwe itali longo nawa kungoye (oshiholelwa ho kala wa vulwa noonkondo nenge tashi ku kwatitha komukolo wa fa Meme K.), lombwela omuyakuli gwoye gwuuhaku opo ta vulu oku ku kongela epango lya yooloka ndyoka tali ku opalele nawa. Okushunitha ombinzi yi kale pomuthika gu li nawa oshinima tashi pula ethimbo ele nosha pumbwa eidhidhimiko osho wo elongelokumwe ewanawa pokati komupangi nenge ndohotola nomumvu.

Ombinzi ya londa ihayi eludhwa

Elondo lyombinzi olyo omukithi ngoka hagu kala ethimbo momuntu gwo ihagu aluka. Shika otashi ti ngele owa tameke epango Iyelondo lyombinzi otashi ti oto tsikile nalyo onkalamwenyo yoye ayihe. Ashike oto vulu okukeelela iilanduli iiwinayi mbyoka hagu etitha mokukaleka elondo lyombinzi Ii kale li li pevi, nomiti nonomikalo dhilwe dhopaundjolowele.

lno hulitha po nando okunwa omiti dhelondo lyombinzi--ino pititha po ike nando esiku limwe--ino shi kundathana nandohotola nenge nomupangi tango, molwashoka ehulithopo lyomeendelelo lyepango otali etitha ombinzi yi londe oshiponga nenge shi etithe iilanduli yilwe iiwinayi.

Mokukala to lundulula omikalo dhopaundjolowele dhonkalamwenyo ngoye to iyutha nawa kokunwa omiti, oto vulu okukala nonkalamwenyo yi Ii nawa yaa na omangambeko gasha nando owu na omukithi hagu kala momuntu ethimbo ele.

RELATED ARTICLE: litsa yoshili ya simana kombinga yElondo lyombinzi

* Ombinzi ya pupwa yi li ko 140/90 nenge ya ya pombanda oya talika ko yi li pombanda.

* Ombinzi ya londa olwindji ihayi kala yi na omandhidhiliko gasha sigo tayi etitha oshiponga oshinene kiitopolwa yolutu.

* Omaupyakadhi ogendji haga holoka olwindji notaga kala ethimbo efe ogo edhengo lyomutima, eso lyombanda, eso lyiiti yanathingo nokwaamona ko.

* Opu na omiti dhomaludhi ga yooloka gokupanga ekondololo lyombinzi.

* Omuvu nandohotola/nomupangi okwa pumbwa elongelokumwe neidhidhimiko opo ya mone epango dhingi komuntu kehe.

* Elondo lyombinzi ihali aludhwa nolya pumbwa epango lyethimbo ele.

* Onkene ino hulitha pc, nando okunwa omiti ino shi kundathana tango nandohotola- otashi vulika shi nike oshiponga!

RELATED ARTICLE: linima mbyoka vulu okunima opo wu kwathe mokushunitha pevi elondo lyoye lyombizi ino nwa omilti:

Kutha ko koshiviha shoye!

Ninga omadhewo olwindji!

Lya iikulya yi na uundjolowele!

Loteka ethindakano momadhiladhilo (ositresa)!

Ino hila omakaya ngoye ino nwa iikolitha!

Ingambeka okulya iikulya yi na omongwa!
Gale Copyright: Copyright 2011 Gale, Cengage Learning. All rights reserved.