Jean ('Dokkie') Nel (20/04/1941-08/09/2011).
Author: Zaaijman, John
Pub Date: 05/01/2012
Publication: Name: South African Medical Journal Publisher: South African Medical Association Audience: Academic Format: Magazine/Journal Subject: Health Copyright: COPYRIGHT 2012 South African Medical Association ISSN: 0256-9574
Issue: Date: May, 2012 Source Volume: 102 Source Issue: 5
Accession Number: 289216469
Full Text: 'Dokkie' is op 20 April 1941 in Utrecht, Natal, gebore. Hy en sy suster, Johanna, was 'n tweeling in 'n gesin van sewe kinders. Hy ontvang sy skoolopleiding aan die Laerskool Hendrina, en matrikuleer in 1958 aan die Hoerskool Ermelo. In 1959 doen hy sy nasionale diensplig by die Lugmag Gimnasium in Pretoria. In 1960 skryf hy in vir 'n BA-graad aan die Universiteit van Pretoria en kwalifiseer as onderwyser. Hy besef egter gou dat hy nie vir die onderwysberoep uitgeknip is nie. Daarna is hy vir 'n tydperk 'n vryskut-joernalis, voordat hy 'n beurs bekom en inskryf vir die graad MB ChB aan die Universiteit van Pretoria.

Hy voltooi sy studie as mediese dokter, en trou daarna met die liefde van sy lewe, Elmien. Hy doen sy hospitaaljaar by die Universitas Hospitaal in Bloemfontein, waarna hy direk begin met spesialisasie as ginekoloog/verloskundige. Hy behaal die graad MMed (O et G) in 1976, en verhuis kort daarna na Nelspruit, waar hy 'n privaat praktyk begin en vir die merendeel van 33 jaar praktiseer.

Hy was baie geliefd by vriende, kollegas en pasiente. Hy was veral bekend as 'n buitengewoon vaardige vaginale chirurg. Sy liefde vir gholf, vir die see, en vir hoe-spoed ski-bote was wel bekend. Ek dink met groot deernis terug aan Tugela-riviermond, die Beach Buggy, die kreef, en veel meer. Hy was 'n passievolle gesinsman.

Dokkie sterf op 8 September 2011 in Nelspruit. Die standaard van sy professionele praktykvoering word nou deur sy seun Jean (Klein Jean) in die Laeveld voortgesit.

Elmien--aan jou en die drie kinders--sterkte en voorspoed. Ek dra ook die innige meegevoel oor van die oorblywende lede van die oorspronklike 'Groot vyf', waarvan Dokkie 'n baie gewaardeerde en geliefde lid was.

John Zaaijman

Middelburg

Oos-Kaap
Gale Copyright: Copyright 2012 Gale, Cengage Learning. All rights reserved.


 
Previous Article: Less food for thought.
Next Article: Emile Welgemoed.